Binəqədidə maşını vəsiqəsiz sürüb “TikTok”da paylaşan sürücü saxlanıldı - RƏSMİ - VİDEO

Paytaxtın Binəqədi rayonunda yol hərəkəti qaydalarını pozan sürücü özünü video çəkərək sosial şəbəkə hesabında paylaşıb.

Avtosfer.az-ın məlumatına görə, 99-JX-483 dövlət nömrə nişanlı “Hyundai” markalı avtomobilin sürücüsü yaşayış zonasında sürət həddini aşaraq ictimai asayişi pozub. Eyni zamanda o, maşını sürücülük vəsiqəsi olmadan idarə edib və bu məlumatı rəy bölməsində qeyd edib.

Bakı şəhər Dövlət Yol Polisi İdarəsindən Avtosfer.az-ın sorğusuna cavab olaraq bildirib ki, sözügedən sürücü A.Quliyev yol polisi əməkdaşları tərəfindən saxlanılıb və barəsində qanunamüvafiq tədbirlər görülüb.

Nərmin