“Diqqət uşaqlar!” adı altında təhlükəsizlik aylığının yekun tədbiri keçirilib - VİDEO

Bakı Şəhər Dövlət Yol Polisi İdarəsi  və “1 nömrəli Uşaq-Gənclər İnkişaf Mərkəzi” publik hüquqi şəxsin  birgə təşkil etdiyi  uşaq və yeniyetmələrin iştirakı ilə yol- nəqliyyat hadisələrinin qarşısının alınması məqsədilə ölkə ərazisində fəaliyyət proqramına uyğun olaraq 1 nömrəli Uşaq- Gənclər İnkişaf Mərkəzi” publik hüquqi şəxsin əsas binasında, “Diqqət uşaqlar!” adı altında təhlükəsizlik aylığının yekun tədbiri keçirilib.

Avtosfer.az xəbər verir ki, tədbirdə aylıq çərçivəsində 16 məktəb və 2000-ə ayxın şagirdi əhatə edən maarifləndirici işlər haqqında hazırlanmış videoçarx və  Elm və Təhsil Nazirliyinin “Təhsil” televiziyası ilə birgə fəaliyyətimiz sayəsində ərsəyə gəlmiş video-süjet nümayiş olunub. Mərkəzin “Yol hərəkəti qaydaları” dərnəyinin üzvləri yol qəzalarının qarşısının alınması məqsədilə  müraciət  xarakterli plakatlarla,  “Azərbaycan polisi”,  “Yol nişanları” mahnıları  ilə çıxış edib və mərkəzin “Təsviri sənət “dərnəyi  üzvlərinin yol nişanları  mövzusunda çəkdikləri rəsmlər nümayiş olunub.

Tədbirdə Bakı Şəhər Baş Polis İdarəsinin polis polkovnik leytenantı Kəmalə Ələkbərova, Bakı Şəhər Yol Polis İdarəsinin Hərəkətin Təhlükəsizliyinin Təşkili və İctimai Qurumlarla Əlaqələr Bölməsinin rəisi, polis kapitanı Toğrul Nəsirli, Bakı Şəhər Yol Polis İdarəsinin inspektoru, polis kapitanı Pərvanə Muradova, Bakı Şəhər Yol Polisi İdarəsinin inspektoru, polis baş leytenantı Rüstəm Əhmədli, Bakı Şəhər Yol Polisi İdarəsinin inspektoru, polis serjantı Elnur Mahmudov, Azərbaycan Milli Avtomobil Klubunun əməkdaşı Həsən Xıdırov, Mərkəzin direktoru Kəmalə Abdullayeva, əməkdaşları, dərnək üzvləri və valideynlər  iştirak edib.

Tədbirin sonunda uşaqlara Təşəkkürnamə təqdim olunub.

Səfər Əlizadə