“Diqqət, uşaqlar!” aylığı çərçivəsində tədbirlər davam edir - VİDEO

Yollarda uşaq travmatizminin azaldılması məqsədilə icra olunan “Diqqət, uşaqlar!” aylığı davam edir. Bu çərçivədə Bakı Beynəlxalq Təhsil Kompleksində maarifləndirmə tədbiri təşkil olunub.

Avtosfer.az xəbər verir ki, Baş Dövlət Yol Polisi İdarəsinin təşkilatçılığı ilə keçirilən görüşdə şagirdlərə yol hərəkəti qaydalarının əhəmiyyəti, piyada və sürücülərin məsuliyyəti, təhlükəsizlik qaydalarına riayət etməyin vacibliyi barədə ətraflı məlumat verilib.

Mövzunun daha yaxşı mənimsənilməsi üçün müxtəlif metodiki vəsaitlərdən, audiovizual materiallardan istifadə olunub.

Baş Dövlət Yol Polisi İdarəsi vətəndaş cəmiyyəti institutlarını da “Diqqət, uşaqlar!” aylığına dəstək olmağa çağırıb. Qurum bir daha vurğulayıb ki, yol hərəkəti qaydalarının uşaqlara və yeniyetmələrə aşılanması onların gələcəkdə təhlükəsizliyi üçün mühüm əhəmiyyət daşıyır.