Dostunun maşınıyla “avtoşluq” edən 16 yaşlı yeniyetmə saxlanıldı - RƏSMİ - VİDEO

Avtomobili sürücülük vəsiqəsi olmadan idarə edib kobud qayda pozuntuları törədən 16 yaşlı yeniyetmə saxlanılıb.

Avtosfer.az-ın məlumatına görə, müxtəlif vaxtlarda qeydə alınmış görüntülər Mingəçevir rayonu ərazisində baş verib. Belə ki, 90-RN-083 dövlət nömrə nişanlı “VAZ-2107” markalı avtomobillə təhlükəli manevrlər edən şəxs videolarını mütəmadi olaraq sosial şəbəkə hesabında paylaşıb. Eyni zamanda o, sürücülük vəsiqəsi olmadan dostunun maşınını sürdüyünü rəy bölməsində bildirib.  

DİN-in Mətbuat Xidmətinin Şəki regional qrupundan Avtosfer.az-ın sorğusuna cavab olaraq bildirib ki, görüntülərlə bağlı Mingəçevir Rayon Polis Şöbəsinin Dövlət Yol Polisi Bölməsinin əməkdaşları tərəfindən müvafiq araşdırmalar aparılıb və qeyd edilən qayda pozuntusuna yol verən sürücü barəsində qanunvericiliyə uyğun olaraq tədbirlər görülüb.

Nərmin