DYP Avtosfer.az-a müraciət edən sürücünün problemini həll etdi - FOTO

Avtosfer.az saytının qaynar xəttinə zəng edərək Fərid Hüseynov bildirib ki, bir müddət Xəzər Lada MMC şirkətindən “Lada Granta” markalı 77-PL-089 qeydiyyat nişanlı avtomobili lizinqə götürüb. Lakin o, 19 yanvar 2023-cü ildə həmin avtomobili geri qaytarıb. Həmin tarixdən avtomobili idarə edən şəxsin başqası olmasına baxmayaraq qeydə alınan çoxsaylı cərimələr idarə edən şəxsin yox, Fərid Hüseynovun adına ünvanlanıb.

Bu barədə Avtosfer.az-ın sorğusuna cavab olaraq Baş Dövlət Yol Polisi İdarəsinin inspektoru, polis leytenantı Elvin Hacıyev bildirib ki, vətəndaşın sorgusuna baxılıb və bildirmiş olduğu müraciət həll olunaraq aradan qaldırılıb.

Qarşılaşdığı problem həll olunduğu üçün sürücü Avtosfer.az saytına və Baş Dövlət Yol Polisi İdarəsinə təşəkkür edib.

Məhəbbət Tərlanoğlu