DYP gənclərlə görüş keçirdi: zorakılığa qarşı - FOTO

Bakı şəhər Dövlət Yol Polis İdarəsinin əməkdaşları Binəqədi Gənclər Evində "Zorakılığa son" mövzusunda gənclərlə görüş keçirib. 
Görüşdə İdarəsinin inspektoru polis kapitanı Pərvanə Muradova iştirak edib. 
Tədbir zamanı cəmiyyəti ən çox narahat edən problemlərdən biri olan zorakılıq və növləri, onu yaradan səbəblər, zorakılığa məruz qalmış insanlara yardım, şiddətin heç bir növünün düzgün tərbiyə metodu olmadığı, əksinə cəmiyyətə qarşı nifrətin başlanğıcı olması, zorakılığın insanlarda yaratdığı travmalar, psixoloji problemlər haqqında gənclərə geniş məlumat verilib.
Tədbir qarşılıqlı müzakirələrlə davam edib və gəncləri maraqlandıran suallar cavablandırılıb.