DYP məktəblərdə təbliğat işlərini davam etdirir - FOTO - VİDEO

Bakı Şəhər Dövlət Yol Polisi İdarəsi 1 nömrəli Uşaq-Gənclər İnkişaf Mərkəzində tədbir keçirib.

Avtosfer.az xəbər verir ki, tədbir "Diqqət uşaqlar"adı altında keçirilən hərəkətin təhlükəsizliyi aylığı çərçivəsində baş tutub.

Tədbir küçə və yollarda nəqliyyat vasitələrinin hərəkət intensivliyinin yüksək olduğunu nəzərə alaraq uşaqların təhlükəsizliyinin təmin edilməsi, onlara yol hərəkəti qaydalarının öyrədilməsi məqsədi daşıyıb. 

Bakı Şəhər DYP əməkdaşları ilə 1 nömrəli Uşaq-Gənclər İnkişaf Mərkəzi əməkdaşları “Yol hərəkəti iştirakçılarının əsas vəzifələri”, “Yol təhlükəsizliyinə dair sürücülər üçün sual-cavablar”, “Yol təhlükəsizliyinə dair uşaqlar üçün sual-cavablar”, “Yol təhlükəsizliyinə dair sərnişinlər üçün sual-cavablar”, “Yol təhlükəsizliyinə dair piyadalar üçün sual-cavablar” və s. adlı bukletlər məktəblilərə təqdim olunub.

Eyni zamanda müxtəlif əyləncəli proqramlar vasitəsilə yol hərəkəti qaydaları təbliğ edilib. 

Nurlan