DYP məktəblərin önündə tədbirlər keçirdi: sürücülərə XƏBƏRDARLIQ - VİDEO

Yeni tədris ilinin başlaması ilə əlaqədar olaraq Bakı şəhər Dövlət Yol Polisi İdarəsinin əməkdaşları yolun hərəkət hissəsinə yaxın olan tədris müəssələrinin qarşısında maarifləndirmə tədbirlərini davam etdirir. Avtosfer.az xəbər verir ki, tədbirlər zamanı yolun hərəkət hissəsində avtomobil saxlayan sürücülərlə, valideyinlərlə söhbətlər aparılıb. İdarənin əməkdaşı, polis mayoru Fuad Sultanov sürücülərə qanunvericiliyin tələblərini izah edib. Həmçinin şagirdləri gözləmək üçün ayrılmış parkinqlərdən istifadə olunması tövsiyə olunub. Sürücülərə bildirilib ki, dayanma-durma qadağan olan yerlərdə avtomobil saxlamaq olmaz. Yalnız durma qadağan olan yerlərdə sərnişinləri mindirib-düşürmək və yola davam etmək lazımdır.

Qeyd edək ki, maarifləndirmə tədbirləri zamanı sürücülər barəsində inzibati protokol tərtib edilməyib.

Orxan