![18 avtobusun yolu dəyişdirildi - Diqqətli olun!](/upload/news/small/1492477.jpeg)
"Kiberdələduzluq hallarına qarşı diqqətli olun!" - Polis Lerikdə tədbirlər keçirdi - FOTO
!["Kiberdələduzluq hallarına qarşı diqqətli olun!" - Polis Lerikdə tədbirlər keçirdi - FOTO](/upload/news/1327714.jpeg)
Kiberdələduzluq və bank kartlarından oğurluq hallarının qarşısının alınması məqsədi ilə Lerikdə sakinlər arasında maarifləndirmə işi gücləndirilib.
DİN-in Mətbuat Xidmətinin Lənkəran regional qrupundan Avtosfer.az-a verilən məlumata görə, Lerik RPŞ-nin əməkdaşları tərəfindən ticarət və iaşə obyektlərində, bankomatların, həmçinin ödəmə terminallarının ətrafında məlumatverici lövhələr asılıb, sakinlərlə bu mövzuda profilaktiki söhbətlər aparılıb və zəruri məlumatlar verilib.
Tədbirlər zamanı vətəndaşlara izah olunub ki, heç bir halda bank və digər şəxsi məlumatlar qarşı tərəfə ötürülməməli, kiberdələduzların qurbanı olmamaq üçün tanımadıqları şəxslərdən gələn mesaj və bildirişləri açmamalıdırlar.
Polis əməkdaşları tərəfindən vətəndaşlara, xüsusən təqaüdçülərə kartlarındakı pulu nağdlaşdırmaq və digər bir şəxsin kart hesabına pul göndərmək məqsədilə tanımadıqları şəxslərdən kömək istəməmək tövsiyyə olunub.