Lizinq şirkətinə məxsus avtomobillə yolu kəsən sürücü CƏRİMƏLƏNDİ - VİDEO

Paytaxtın Sabunçu rayonunda yol hərəkəti qaydalarını kobud şəkildə pozan sürücü müəyyən olunaraq məsuliyyətə cəlb edilib.

Avtosfer.az-ın məlumatına görə, lizinq şirkətinə məxsus 77-YT-327 dövlət qeydiyyat nişanlı “Chevrolet” markalı avtomobilin sürücüsü Babayev Anar Vaqif oğlu Sabunçu Rayon Dövlət Yol Polisi Şöbəsinə dəvət olunub. Polis əməkdaşları tərəfindən ona törətdiyi inzibati xəta barədə məlumat verilib, qanunvericiliyin tələbləri izah edilib.

Sürücü barəsində İnzibati Xətalar Məcəlləsinin 327.4-cü maddəsinə əsasən 4 bal və 150 manat məbləğində inzibati cərimə tətbiq olunub.

Xatırladaq ki, bir neçə gün əvvəl sözügedən sürücünün əks istiqamətli yola çıxaraq qarşıdan gələn nəqliyyat vasitələrinin hərəkətinə maneə yaratması ilə bağlı görüntü saytımızda yayımlanmışdı. Məhz həmin fakt əsasında müvafiq tədbir görülüb.

Nərmin