Qayda pozan piyadalara təhlükəsizliklə bağlı çağırış - Keçiddən istifadə edin! - VİDEO

Nizami rayonu, Qara Qarayev prospekti ilə Özbəkistan küçəsinin kəsişməsində piyadaların təhlükəsiz hərəkəti ilə bağlı maarifləndirici çağırış edilib.

Avtosfer.az xəbər verir ki, yolun keçid olmayan hissəsindən qarşı tərəfə keçmək piyadaların həyatı üçün ciddi təhlükə yaradır. Qeyd olunub ki, piyadalar üçün nəzərdə tutulmuş keçidlər təhlükəsiz hərəkətin təmin olunması məqsədilə ayrılıb.

Sakinlərə öz təhlükəsizliklərini qorumaq üçün yalnız müəyyən edilmiş piyada keçidlərindən istifadə etmək və yol hərəkəti qaydalarına əməl etmək tövsiyə olunub.