Şamaxıda 17 yaşlı vəsiqəsiz sürücü özünü sosial şəbəkədə İFŞA ETDİ – SAXLANILDI - VİDEO

Şamaxıda yol hərəkəti qaydalarını kobud şəkildə pozan sürücü özünü videoya çəkərək sosial şəbəkə hesabında paylaşıb.

Avtosfer.az-ın məlumatına görə, 01-BT-953 dövlət nömrə nişanlı “VAZ-2106” markalı avtomobilin sürücüsü yolda riskli manevrlər edərək həm özünü, həm də sərnişinləri təhlükəyə atıb. Eyni zamanda o, sürücülük vəsiqəsinin olmadığını paylaşdığı videonun şərh bölməsində qeyd edib.

DİN-in Mətbuat Xidmətinin Şəki regional qrupundan Avtosfer.az-ın sorğusuna cavab olaraq bildirilib ki, sürücü müəyyən olunaraq saxlanılıb. Keçirilən tədbirlər zamanı onun 17 yaşında olduğu və avtomobili sürücülük vəsiqəsi olmadan idarə etdiyi müəyyən edilib. Onun barəsində İnzibati Xətalar Məcəlləsinin 327.1 və 332.2-ci maddələri üzrə protokol tərtib edilib.

Nərmin