Saxta radar yol polisini də çaşdırdı

Radarla bağlı bu hadisə də Fransada baş verib. Avtosfer.az-ın xəbərinə görə, Jüluvil komunasının sakini yüksək sürətlə hərəkət edən avtomobillərdən bezərək küçəyə “radar” qoymaq qərarına gəlir. 
Bu məqsədlə o, köhnə soyuducunu radar formasında düzəldib küçəyə yerləşdirir. Sürücülər ilk günlərdə sürəti azaltsalar da, sonradan bildiriş gəlmədiyi üçün polisə müraciət edirlər. Sən demə, həmin vaxt qonşu məhəllədəki sürətölçmə radarı nasaz olduğu üçün şəbəkədən ayrılıbmış. Polis sürücülərə cavabında radarın işləmədiyini bildirir. Amma söhbətin hansı radardan getdiyini nə polis, nə də sürücülər bilir. 
Lakin məsələdən xəbərdar olan Jüluvil sakini tələsik “radarı”yoldan yığışdırıb.
Qeyd edək ki, Fransada saxta yol nişanı qoymaq 135 avro cərimə ilə cəzalandırılır. Lakin bu tələb adətən saxta radarlara şamil edilmir. əksinə, məhkəmə yol hərəkəti təhlükəsizliyində payı olan şəxsləri haqlı çıxarır.

Vüqar