Suraxanıda "Təmiz hava"; qayda pozan sürücülər cərimələndi - VİDEO

Bu gün Suraxanı rayonu ərazisində Daxili İşlər Nazirliyinin tərtib etdiyi plan üzrə "Təmiz hava" aylığı çərçivəsində növbəti tədbir keçirilib. Avtosfer.az xəbər verir ki, Suraxanı rayon Dövlət Yol Polisi Şöbəsinin əməkdaşları Bakı şəhər Dövlət Yol Polisi İdarəsi ilə birgə rayon ərazisində sürücüləri saxlayıb və xüsusi texniki qurğu vasitəsilə avtomobillərdın ixrac olan zəhərli qazların miqdarı yoxlanılıb.

Tədbir zamanı sürücülərlə profilaktiki söhbətlər aparılıb və onlara qanunun tələbləri izah edilib. 

Avtomobili nasaz vəziyyətdə olan və zəhərli qazların miqdarı yüksək olan sürücülər barəsində inzibati qaydada protokol tərtib olunub.

Qeyd edək ki, tədbirlər mütəmadi olaraq davam etdiriləcək.