Toy kortecində “avtoş”luq edib “TikTok”da paylaşan sürücülər saxlanıldı - RƏSMİ - VİDEO

Toy karvanında qaydaları kobud şəkildə pozan sürücülərin videosu sosial şəbəkədə yayılıb.

Avtosfer.az-ın məlumatına görə, görüntül bir neçə gün əvvəl İmişli rayonu ərazisində qeydə alınıb. Hərəkətdə olan 90-BB-380 dövlət nömrə nişanlı “VAZ-2107” markalı və 90-LV-275 dövlət nömrə nişanlı “VAZ-2115” markalı avtomobillərin sürücüləri sərt manevrlər ediblər. Belə ki, “sağ-sol” edən sürücülər hərəkətdə olan digər nəqliyyat vasitələrinə təhlükə yaradıblar.

DİN-in Mətbuat Xidmətinin Şirvan regional qrupundan Avtosfer.az-ın sorğusuna cavab olaraq bildirib ki, həmin görüntülərlə bağlı İmişli Rayon Polis Şöbəsinin Dövlət Yol Polisi Bölməsinin əməkdaşları tərəfindən müvafiq araşdırmalar aparılıb və qeyd edilən qayda pozuntusuna yol verən sürücülər barəsində qanunvericiliyə uyğun olaraq tədbirlər görülüb.

Nərmin