Vəsiqəsiz və nömrəsiz maşınla avtoxuliqanlıq etdi – HƏBS OLUNDU - VİDEO

Qazax rayonunda avtoxuliqanlıq edən sürücü müəyyən edilib.

Avtosfer.az-ın məlumatına görə, Qazax Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər zamanı gecə saatlarında “VAZ” markalı avtomobillə yol hərəkəti qaydalarını kobud şəkildə pozaraq digər hərəkət iştirakçıları üçün təhlükə yaradan Ə.Sadiqi saxlanılıb.

Araşdırma zamanı onun sürücülük hüququ və etibarnaməsi olmadan, həmçinin avtomobilin dövlət qeydiyyat nişanını çıxararaq nəqliyyat vasitəsini idarə etdiyi məlum olub.

Sürücü barəsində toplanmış materiallar hüquqi qiymət verilməsi üçün məhkəməyə göndərilib. Məhkəmənin qərarı ilə Ə.Sadiqi inzibati qaydada həbs edilib.

Nərmin