Vilayət Eyvazov tələb etdi - Tıxaca qarşı mübarizə tədbirləri gücləndirilsin

Yanvarın 23-də Daxili İşlər Nazirliyində cinayətkarlığa qarşı mübarizə, ictimai qaydanın qorunması və ictimai təhlükəsizliyin təmin edilməsi üzrə respublika daxili işlər orqanlarının 2022-ci ildəki fəaliyyətinin nəticələri və qarşıda duran vəzifələrə həsr olunmuş kollegiya iclasında nazir, general-polkovnik Vilayət Eyvazov Bakıda tıxac məsələsinə də toxunub və tapşırıqlar verib. Paytaxtda nəqliyyat sıxlığının mövcudluğuna və tıxacların yaranmasına diqqət çəkən nazir aidiyyatı qurumlarla birgə bu cür halların, o cümlədən nəqliyyat vasitələrinin və piyadaların sərbəst, rahat, təhlükəsiz hərəkətinə maneə yaradan qanunsuz parklanmaların, dayanma və ya durmaların qarşısının alınmasını, həmin pozuntuları törədən nəqliyyat vasitələrinin yol hərəkətindən kənarlaşdırılmasını tələb edib.