Xətaidə qayda pozan sürücülər cərimə edildi - Təbliğat davam edir

Respublika ərazisində “Təmiz hava aylığı” çərçivəsində keçirilən tədbirlər davam edir. Paytaxtın Xətai rayonunda analoji reyd baş tutub.

Avtosfer.az xəbər verir ki, tədbir zamanı Xətai rayon Dövlət Yol Polisi Şöbəsinin əməkdaşları sürücülərlə proflaktiki söhbətlər aparıb, “Təmiz hava aylığı” barədə məlumat veriblər. Sürücülərə bildirilib ki, avtomobillərdən ixrac olunan zərərli qazlar təbiətə və insan sağlamlığına ziyan vurur.

Baş Dövlət Yol Polis İdarəsinin inspektoru polis leytinanti Elvin Hacıyev Avtosfer.az-a bildirib ki, DYP əməkdaşları kütləvi informasiya vasitələri ilə birlikdə bir ay ərzində - oktyabrın 10-dan noyabrın 10-na qədər “Təmiz hava aylığı” çərçivəsində paytaxtın müxtəlif ərazilərində reydlər keçirib və belə reydlər hər il mütəmadi davam etdirilir.

O bildirib ki, baş tutan tədbirlər müsbət nəticəsini verir. Belə ki, əksər avtomobillərdən ixrac olunan zəhərli qazların miqdarı normalar çərçivəsindədir.
Tədbir zamanı bəzi sürücülər barəsində inzibati protokol tərtib edilib, eyni zamanda avtomobili saz vəziyyətdə olan sürücülərə təşəkkür olunub.

Nurlan Sakitoğlu