Yol polisi maşınlara "dur", avtobuslara "keç" dedi - AYNA və DYP birgə işləyir - VİDEO

Paytaxtın Mikayıl Üseynov küçəsindən Azneft dairəsi istiqamətində DYP əməkdaşları hərəkətin intensivliyini təmin etmək məqsədilə günün pik saatlarda tədbirlər həyata keçirir.

Avtosfer.az xəbər verir ki, vaxtaşırı olaraq DYP əməkdaşları avtomobilləri saxlayaraq şəhərə növbəli şəkildə daxil olmanı təmin edir. Lakin qeyd olunan küçədə avtobus zolağı çəkilib və ictimai nəqliyyatın, o cümlədən xüsusi nəqliyyat vasitələrinin hərəkəti tam təmin olunur. Belə ki, inspektorlar avtomobilləri saxlasa da avtobusların sərbəst hərəkətinə şərait yaradır. Bu ictimai nəqliyyatdan istifadə edən sərnişinlərin mənzil başına tez və rahat çatması üçün hesablanıb. 
Qeyd edək ki, sosial şəbəkələrdə vaxtaşırı həmin küçədə tıxac olması ilə bağlı məlumatlar yayılır. Hətta avtobusların da tıxacda qalması qeyd olunur. Lakin araşdırmalar zamanı bəlli olur ki, digər avtomobillərin ictimai nəqliyyatın zolağına daxil olması sıxlığın əsas səbəblərindən biridir.

Qeyd edək ki, bu sistem AYNA və DYP-nin birgə tədbirləri nəticəsində həyata keçirilir.