Yol polisi müğənnini təəccübləndirən "Prius"la bağlı tədbir gördü - FOTO

Müğənni Vəfa Şərifova sosial şəbəkələrdə video paylaşaraq 77-EZ-384 dövlət nömrə nişanlı "Toyota Prius" markalı avtomobil ilə bağlı təəcübünü gizlətməyib. Belə ki, sürücü avtomobilin arxasına "Səninlə qurduğum çox xəyallar vardı, elə hamısı da xəyal olaraq qaldı" sözlərini yazıb.

Bakı şəhər Dövlət Yol Polisi İdarəsindən Avtosfer.az-a bildirilib ki, məsələ ilə bağlı araşdırma aparılıb və sürücü aşkarlanaraq saxlanılıb. Ona qanunvericiliyin tələbləri izah edilib və sürücü ilə maarifləndirici söhbətlər aparılıb.

Eyni zamanda sürücü avtomobilə yazdığı sözləri silib.