Yol polisi orta məktəblərdə uşaqların suallarını cavablandırdı - FOTOLAR

Bakı Şəhər Dövlət Yol Polisi İdarəsi və 1 nömrəli uşaq gənclər inkişaf mərkəzinin birgə fəaliyyət proqramına uyğun olaraq 211, 111 və 5 nomrəli tam orta məktəblərdə maarifləndirici tədbirlər keçirilib. Tədbirlərdə uşaqlara yol hərəkəti qaydaları haqqında məlumatlar verilib və yolda daha diqqətli olmaları tövsiyə edilib.

Tədbirlərdə Bakı Şəhər BPİ DYPİ-nin əməkdaşı polis kapitanı Pərvanə Muradova uşaqlara yol hərəkəti qaydalarına dair ətraflı məlumatlar verib, slaydlar və əyani vasitələrlə nişanlar nümayiş etdirilib. Uşaqlarla maarifləndirici dialoqlar aparılıb, suallar cavablandırılıb.
Tədbirlərin keçirilməsində məqsəd uşaq və yeniyetmələrin iştirakı ilə yol-nəqliyyat hadisələrinin qarşısının alınması istiqamətində profilaktik tədbirləri gücləndirmək, eləcə də uşaqlara təhlükəsiz davranış vərdişlərini aşılamaqdır.