Yol polisindən "narkoman" və sərxoş sürücülərə qarşı reyd: 8 nəfər saxlanıldı

Daxili İşlər orqanları tərəfindən narkotik vasitələrin və psixotrop maddələrin təsiri altında avtomobil idarə edən sürücülərə qarşı müxtəlif tədbirlər davam etdirilir.

Avtosfer.az xəbər verir ki, oktyabrın 17-də Nizami rayonu ərazisində analoji tədbirlər həyata keçirilib. Nizami rayon Dövlət Yol Polisi Şöbəsinin əməkdaşları reyd zamanı narkotik vasitələrin təsiri altında avtomobil idarə edən 5 sürücü aşkarlayıb. Eyni zamanda spirtli içkinin təsiri altında sükan arxasına keçən 3 sürücünün barəsində də qanunamüvafiq tədbirlər görülüb. 
Məlumat görə həmin sürücülərdən bir neçəsi taksi sürücüsü kimi fəaliyyət göstərir. 
Nizami rayon Dövlət Yol Polisi Şöbəsinin əməkdaşları tərəfindən toplanmış materiallar Nizami rayon məhkəməsinə təqdim olunub. 

Leyla