Yol polisinin qanuni tələbinə əməl etməyən sürücüsü saxlanıldı - VİDEO

Yol polisinin qanuni tələbinə əməl etməyən yük avtomobilinin sürücüsü saxlanılıb.

Avtosfer.az xəbər verir ki, Yol Patrul Xidmətinin (YPX) əməkdaşları tərəfindən yükdaşıma qaydalarını pozduğuna görə “Saxla” işarəsi verilən “Howo” markalı, 21-BJ-353 dövlət qeydiyyat nişanlı yük avtomobilinin sürücüsü İbrahimov Rəhman Sahib oğlu polisin qanuni tələbinə tabe olmayaraq hərəkətini davam etdirib.

Baş Dövlət Yol Polis İdarəsinin (BDYPİ ) YPX Alayının VII taqımının əməkdaşları tərəfindən görülən tədbirlər nəticəsində Rəhman İbrahimov saxlanılıb.

Sürücü barəsində Azərbaycan Respublikası İnzibati Xətalar Məcəlləsinin müvafiq maddəsinə əsasən inzibati  protokol tərtib edilərək baxılması üçün məhkəməyə göndərilib. Məhkəmənin qərarı ilə R.İbrahimov inzibati qaydada həbs edilib.

BDYPİ sürücülərin diqqətinə çatdırır ki, belə hüquqazidd əməllərə yol verən şəxlərlə bağlı ciddi tədbirlər həyata keçiriləcək.