"Yolunuzu bizdən salın!" yarışı davam edir - FOTO

Yol polisi 8 May 2021 22:08 Oxunub 4654
"Yolunuzu bizdən salın!" yarışı davam edir   - FOTO
WhatsApp kanalımıza abunə ola bilərsiniz

Mayın 8-də 1 nömrəli Uşaq-Gənclər İnkişaf Mərkəzinin təşkilatçılığı ilə “Yol hərəkətinin təhlükəsizliyinə dair 2019-2023-cü illər üçün Dövlət Proqramı”na uyğun olaraq “Yolunuzu bizdən salın!” mövzusunda Respublika üzrə növbəti onlayn yarış olub. Yarış Cəlilabad, Beyləqan, Goranboy, Hacıqabul, Kürdəmir, Samux, Göygöl, Şamaxı, Ucar  rayon uşaq-gənclər inkişaf mərkəzlərinin dərnək üzvləri arasında keçirilib.

Məqsəd respublikamızın müxtəlif bölgələrində təhsil alan şagirdlərin yol hərəkəti qaydaları haqqında bilik səviyyələrini yoxlamaq, onların bu sahəyə marağını artırmaqdan  ibarət olub.

Yarışda Azərbaycan Respublikası DİN Baş Dövlət Yol Polisi İdarəsinin inspektoru, polis baş leytenantı Toğrul Nəsirli, Bakı Şəhər Dövlət Yol Polisi İdarəsinin əməkdaşları polis mayoru Araz Əsgərli, polis baş leytenantı Pərvanə Muradova, Samux rayon Dövlət Yol Polisi İdarəsinin polis kapitanı Kamal Rəsulov, Kürdəmir rayon  Dövlət Yol Polisi İdarəsinin baş inspektoru, polis kapitanı Ruslan Talıbov, Ucar rayon  Dövlət Yol Polisi İdarəsinin polis kapitanı Seymur Tağıyev, Şamaxı  rayon  Dövlət Yol Polisi İdarəsinin baş inspektoru, polis kapitanı Orxan Yolçuyev, Goranboy  rayon  Dövlət Yol Polisi İdarəsinin inspektoru, polis baş leytenantı Aftandil Mayılov, Hacıqabul rayon  Dövlət Yol Polisi İdarəsinin polis mayoru Rəşad Xəlilov, Beyləqan rayon  Dövlət Yol Polisi İdarəsinin polis leytenantı Telman İbrahimli, Göygöl rayon Dövlət Yol Polisi İdarəsinin inspektoru, Fariz Əliyev, Cəlilabad rayon Dövlət Yol Polisi İdarəsinin polis baş leytenantı Bəhruz Abbasov, Bakı şəhər  1 nömrəli Uşaq-Gənclər İnkişaf  Mərkəzinin və rayon uşaq-gənclər inkişaf mərkəzlərinin əməkdaşları, müəllimlər və valideynlər iştirak edib.

Münsiflər heyəti: Azərbaycan Respublikası DİN Baş Dövlət Yol Polisi İdarəsininin inspektoru, polis baş leytenantı Toğrul Nəsirli, Bakı Şəhər Dövlət Yol Polisi İdarəsinin əməkdaşı polis mayoru Araz Əsgərli, polis baş leytenantı Pərvanə Muradova, 1 nömrəli Uşaq-Gənclər İnkişaf Mərkəzinin şöbə müdiri Fəridə Süleymanova olub.

Yarış Cəlilabad, Beyləqan, Goranboy, Hacıqabul, Kürdəmir, Samux, Göygöl, Şamaxı, Ucar  rayon uşaq-gənclər inkişaf mərkəzlərinin dərnək üzvlərindən təşkil olunmuş 9 komanda arasında 2 raundda keçirilib. Hər komanda 5 üzvdən ibarət olub. 45 şagirdin cəlb olunduğu yarışın I raundunda mövzu ilə bağlı rəsm çəkilib, II raundunda uşaqların yol hərəkəti qaydaları ilə bağlı nəzəri bilikləri ekranda əks olunan suallarla yoxlanılıb.

Hər bir komandanın mövzu ilə bağlı çəkdiyi rəsmlər qiymətləndirilərək onların nəticələrinə əlavə olunub.

Yarışın nəticəsinə görə Göygöl rayon Uşaq-Gənclər İnkişaf  Mərkəzinin komandası I, Samux rayon Uşaq-Gənclər İnkişaf Mərkəzinin komandası II, Ucar rayon Uşaq-Gənclər İnkişaf Mərkəzinin komandası isə III yerə layiq görülüblər.

FOTO QALEREYA
ŞƏRH YAZ
Ad

E-mail

Şərh