100 ildən sonra 30 minə satılan avtomobil - FOTO

Avtomobilləşmənin inkişafının amerikalı  Henri Fordun adı ilə bağlı olduğunu çoxları bilir.  Onun yaratdığı və bəşər tarixinin ilk kütləvi avtomobili kimi yadda qalan «Ford-T» modelinin istehsalı 1 oktyabr 1908-ci ildə başlanıb. Dünyanın hər yerinə yayılan bu avtomobilin qiyməti cəmi 250-900 dollar olub. 1908-1927-ci illəri əhatə edən 20 il ərzində bu avtomobilin 15 milyon ədədi buraxılıb.

Hazırda tək-tək ələ düşən «Ford-T» avtomobili bəzi insanlar üçün çox gözəl biznesə çevrilib. Məsələn, argentinalı Korsi köhnə «Ford-T»-ni dünyanın müxtəlif yerlərində əldə edərək bərpa edir. Onun bərpa etdiyi hər avtomobil orta hesabla 30 min dollara satır. Özü də bəzən müştərilər növbə də gözləməli olurlar. Beləcə, 100 yaşlı avtomobillər bacarıqlı ustaya sanballı gəlirlər gətirir.

P.S. Şəkildə əfsanəvi «Ford-T» bərpadan əvvəl və sonrakı görkəmdə verilib.

Fidan