15 min manata qədər hansı avtomobilləri almaq olar? - ARAŞDIRMA

Azərbaycanın avtomobil bazarında qiymətlər demək olar ki, hər gün dəyişir. Avtosfer.az xəbər verir ki, avtomobilin dəyəri müxtəlif faktorlardan asılıdır.

Maşın almaq istəyənlər istehsal ilinə, mühərrikinin həcminə, görünüşünə və yürüş məsafəsinə önəm verirlər. Bu da qiymətlərin formalaşmasında mühüm rol oynayır. Həmçinin maşının dözümlülüyü də qiymətlərə təsir göstərir.

Avtomobil markalarından qiyməti 1000-5000 AZN arasında olanlara “LADA (VAZ)”, “Opel”, “BMW”, “Daewo”, “Mercedes” və s. aiddir. Bu avtomobillərin istehsal tarixi əsasən 1980-2000-ci illəru əhatə edir.

Qiymət aralığı 5000-10000 manat arasında dəyişən markaların istehsal tarixi əsasən 1995-2010 illər olan “Iran Khodro”, “Mercedes”, “Opel”, “Volkswagen”, “Nissan” və s.-dir.

Əgər 10000 AZN-dən 15000 AZN-ə kimi maşın almaq istəyirsinizsə istehsal ili 2005-2015-ci illər arasında olan  “Hundai”, “Kia”, “Chevrolet”, “Toyota”, “BMW” tapmaq olar.

Təbii ki, istismar müddəti 10 ildən çox olan avtomobillərin Azərbaycana idxalının məhdudlaşdırılması da qiymətlərə öz təsirini göstərib. Lakin alıcılar daha çox istehsal ili təzə olan maşınlara maraq göstərir. Eyni zamanda Çin avtomobillərin bazara daxil olması da mənzərəni xeyli dəyişib. Alıcı daha ucuz qiymətə 0 km avtomobil ala bilir.

Lakin ümumilikdə alıcılar daha çox satışı asan olan maşınlara üstünlük verirlər.

Məhəbbət