2022-ci ilin ən çox satılan avtomobilləri - FOTO
Avtobazar
16 Mart 2023 08:06
Oxunub 1696
2022-ci il dünya avtomobil sənayesi üçün həm pis, həm də yaxşı olub.
Avtosfer.az-ın xəbərinə görə, pandemiya ilə bağlı məhdudiyyətlərin götürülməsi satışların artmasına səbəb olub. Lakin detal qıtlığı istehsalat üçün ciddi maneə olaraq qalıb.
Ən çox maşın satan şirkətlərə gəlincə, yenə də liderlik Toyota (həmçinin Lexus, Daihatshu və Hino brendləri) və Volkswagen (həmçinin Audi, Porsche, Bentley, Traton) qruplarına aiddir. Ötən il yapon istehsalçı 10 483 024, alman konserni isə 8 260 000 avtomobil satıb.
Hyundai Kia alyansı 6 848 198 maşınla podiumun üçüncü pilləsində qərarlaşıb.
Renault Nissan Mitsubishi qrupunun dördüncü yerə düşməsinə Ukrayna müharibəsi səbəb olub. Qrupun Rusiyada sahib olduğu AvtoVAZ brendi ildə təxminən yarım milyon avtomobil istehsal edirdi.
Beşinci yerdə isə illik 5 839 000 satışla Stellantis qrupu qərarlaşıb.
2022-ci ildə satışların artmasına görə Çinin BYD (154%) və ABŞ-ın Tesla (40%) brendləri liderlik edir. Bunun da səbəbi onların başlıca istehsalının elektromobil olmasıdır.
Vüqar
ŞƏRH YAZ
DİGƏR XƏBƏRLƏR
