Amazondan elektrikli nəqliyyat sektoruna 1 milyard avro investisiyası

Amazon, Avropa nəqliyyat parkının elektrikləşdirmək üçün beş il ərzində 1 milyard avro sərmayə qoyacaq.

Avtosfer.az xəbər verir ki, texnologiya nəhəngi 2040-cı ilə qədər xalis sıfır karbon emissiyasına çatmağı hədəfləyir.
Məlumata görə e-ticarət sektorunun aparıcı şirkətlərindən biri olan Amazon 1 milyard avroluq nəhəng investisiya edəcəyini açıqlayıb. ABŞ-ın texnologiya nəhəngi Avropadakı paylayıcı donanmasını elektrikləşdirmək üçün beş il ərzində 1 milyard avro xərcləyəcəyini açıqlayıb.

İnvestisiya Avropadakı avtomobil parkına əlavə olaraq 10 min elektrik mikroavtobusu və 1500 elektrikli ağır nəqliyyat vasitəsinin alınmasına sərf olunacaq. Şirkət 2040-cı ilə qədər xalis sıfır karbon emissiyasına nail olmağı hədəflədiyini bildirib.

"Nəqliyyat şəbəkəmizi karbondan təmizləmək və xalis sıfır karbon hədəfimizə nail olmaq üçün əhəmiyyətli və davamlı investisiyalar tələb olunacaq", - deyə Amazon şirkətinin baş direktoru Endi Jassi bildirib.

Jassi, ​​Amazon-un sərmayəsinin daha çox elektrikli avtomobil istehsalçılarını Avropada elektrik doldurma stansiyaları qurmağa təşviq edəcəyini və avtomobil sənayesini daha çox elektrikli  nəqliyyat vasitələri istehsal etməyə təşviq edəcəyini açıqlayıb. Jassi, ​​həmçinin "Nəqliyyat şəbəkəmiz karbonsuzlaşdırmanın ən çətin iş sahələrindən biridir" deyə qeyd edib.

Qeyd edək ki, ən son davamlılıq hesabatına görə, karbon qazı emissiyaları 2021-ci ildə 2020-ci ilə nisbətən 18% artıb.