Avtomobil almaq istəyənlər, tələsin — Qiymətlər BAHALAŞIR - VİDEO

Maşın çox, alıcı az. Ənənəvi olaraq yalnız həftə sonlarında işləyən maşın bazarında satıcılar, alıcı qıtlığından şikayətlənir. Onların sözlərinə görə elə bazara girən hamı satılan maşının qiymətini soruşur, sonra isə elə gəldiyi kimi də çıxıb gedir. Alıcılar qiymətlərin baha olduğu fikrindədirlər.

Bir vaxtlar həm avtomobil, həm də alıcı ilə qaynayan bazarda indi sakitlik hökm sürür. Satıcılar deyir ki son aylar bazarda demək olar ki alıcı yoxdur. Kifayət qədər adam gəlir, maraqlanır gedir. Amma maraqlananlar maşın almadan bazardan çıxırsa onları alıcı adlandırmaq olmaz.

Elə satıcıların dediyi kimi bazarda demək olar tək-tük satıcı var idi ki, onlar da kameraya gorünmək istəmədilər. 

Alıcılardan narazı olan bu satıcı isə deyir ki, gələnləri maşının saz vəziyyətdə olmasından çox görünüşü maraqlandırır.

Satıcılar benzinlə işləyən avtomobilləriin qiymətinə nisbətən dizel yanacağı ilə işləyən avtomobillərin qiymətinin artdığını da deyirlər.

Satıcılar bildirdilər ki, Aİ-95 markalı benzin bahalaşdıqdan sonra hibrid və dizel mühərrikli avtomobillərin satışında canlanma müşahidə olunur. Böyük həcmli mühərriki olan avtomobillərin isə qiyməti çox, alıcısı isə azdır.