Avtomobillərin qiyməti bahalaşacaq? - İQTİSADÇI AÇIQLADI

"Hər yerdə olduğu kimi avtomobil sənayesində də xərclərin artırılması və təlabatın olması ilə əlaqədar müəyyən şəkildə qiymət artımı var". Bu sözləri SİA-ya açıqlamasında iqtisadçı-ekspert Xalid Kərimli deyib.

Onun sözlərinə görə, Azərbaycanda Aİ-95 markalı benzinin qiymətində artımın olması ümumi avtomobil bazarına təsir edə bilməz: "Aİ-95 markalı benzinin qiymətində artımın olması alıcıların daha ekonomik və ya daha aşağı keyfiyyətli benzin işlədən avtomobillərə marağını artıra bilər. Bunun nəticəsində Aİ-95 markalı benzin işlədən avtomobillər bir qədər azala bilər. Bir sözlə ümumi tələbin içərisində yerdəyişmə ola bilər. Ancaq ümumi şəkildə avtomobil bazarında baş verən proseslər Azərbaycanda benzin qiymətləri əlaqədar deyil. Amma ki, ölkədə hibrid, daha ekonomik avtomobillərə tələb bir qədər arta bilər".