Azərbaycana ucuz MAŞINLAR GƏTİRİLDİ - VİDEO

Avtobazar 19 Yanvar 2025 00:00
Azərbaycana ucuz MAŞINLAR GƏTİRİLDİ - VİDEO
WhatsApp kanalımıza abunə olun

"Taksi" fəaliyyəti ilə bağlı yeni qaydaların tətbiq edildiyi 2024-cü ilin iyul ayından etibarən Çindən hibrid avtomobillərin idxalı dörd dəfəyə yaxın artıb.

Avtosfer.az xəbər verir ki, əgər ilin I yarısında bu ölkədən Azərbaycana 2 854 belə nəqliyyat vasitəsi gətirilmişdisə, noyabr ayında bu say 11 102-yə çatıb.

Nəqliyyat eksperti Eldəniz Cəfərovun sözlərinə görə, Çin istehsalı olan belə avtomobillər ucuz olmaqla yanaşı, onların Azərbaycana daşınması da daha tez başa gəlir.

Diqqəti çəkən məqamlardan biri də Çindən gətirilən hibrid avtomobillərin qiymətinin getdikcə enməsidir. Belə ki, 2024-cü ilin yanvar ayında Çindən idxal olunan 1 ədəd benzinlə yanaşı, elektrik mühərrikli minik avtomobilinin orta qiyməti 31 571 dollar idisə, noyabr ayında bu göstərici 37% azalaraq, 19 923 dollar təşkil edib.

Ətraflı Baku TV-nin süjetində:

Oxunub : 6438
DİGƏR XƏBƏRLƏR
ŞƏRH YAZ
Ad

E-mail

Şərh

Məmməd Əliyev 19 Yanvar 2025 13:15
Bu məlumatlar bir daha göstərir ki, ucuz avtomobillərin ölkəyə gətirilməsi ilə bağlı yaranan imkanlardan əsasən müəyyən qruplar istifadə edir. Xalq üçün əlçatan olmalı olan bu maşınlar, yüksək gömrük rüsumları və əlavə xərclər səbəbilə adi vətəndaş üçün əlçatmaz qalır. Xaricdə ucuz qiymətə satılan avtomobillərin ölkəyə gətirilərək yüksək qiymətə satılması sadəcə vasitəçilik sistemindən asılıdır. Əsas problem isə gömrük sistemində şəffaflığın olmaması və insanlara yaradılan maneələrdir. Daha ədalətli qaydalar tətbiq edilsə və monopoliyalar aradan qaldırılsa, həm nəqliyyat sektoru inkişaf edər, həm də əhalinin rifahı yaxşılaşar. Bəs sual olunur: niyə sadə vətəndaşlara deyil, müəyyən qruplara üstünlük verilir? Rəqabətli və ədalətli bir sistem qurulmadan belə problemlər həllini tapmayacaq.