“BMW” əməkdaşları bu smartfondan işlədəcəklər

Almaniyanın “WParea” nəşrinin məlumatına görə, “BMW” şirkəti öz əməkdaşları üçün 57 min “Microsoft Lumia” smartfonu satın alacaq. Avtosfer.az-ın ictnews.az-a istinadən məlumatına görə, adi əməkdaşlar üçün nəzərdə tutulmuş “Lumia 630” smartfonu sifarişin əsasını təşkil edəcək, top menecerlər isə “Lumia 920/930” smartfonlarına sahiblənəcək. Hazırda sözügedən avtomobil şirkətinin əməkdaşları “Nokia” şirkətinin “Symbian” platforması ilə işləyən köhnə mobil telefonlarından korporativ qurğu qismində istifadə edirlər. Məlumata görə, “Hyatt” mehmanxanalar şəbəkəsi, “British Telecom”, “CaixaBank” və “Delta Airlines” şirkətləri də “Microsoft”un smartfonlarından istifadə edir.