Büdcə təşkilatı xidməti avtomobil aldı

Azərbaycan Respublikası Dövlət Miqrasiya Xidməti bir ədəd minik avtomobilinin satın alınmasına dair “İmprotex Motors” MMC ilə müqavilə imzalayıb. Avtosfer.az-ın "Finans.az"a istinadən verdiyi məlumata görə, büdcə təşkilatı bu satınalma müqabilində cəmiyyətə 166 356 manat ödəyib. Xatırladaq ki, daha əvvəl Qaçqınların və Məcburi Köçkünlərin işləri üzrə Dövlət Komitəsi 1 ədəd BMW 740Lİ markalı avtomobilin satın alınması üçün “İmprotex Motors”a 179 444 manat, İpoteka və Kredit Zəmanət Fondu isə elə həmin şirkətə bir ədəd xidməti avtomobilin satın alınması üçün 192 290 manat ödəyib.