Daha bir dövlət qurumu bahalı xidməti avtomobil aldı

Cari il aprelin ortalarında xidməti minik avtomobilinin satınalınmasına dair “Elektron Hökumətin İnkişafı Mərkəzi” PHŞ ilə “KİA Motors” MMC arasında müqavilə imzalanıb.

Avtosfer.az “Finans.az”a istinadən xəbər verir ki, büdcə təşkilatı tərəfindən bu satınalmaya 47 min manat xərclənib.

Xatırladaq ki, “Mülki Aviasiyada Uçuşların Təhlükəsizliyi üzrə Dövlət Müfəttişliyi” PHŞ 1 ədəd sedan tipli avtomobilin alınması üçün “Toyota Abşeron Center” MMC-yə 72,7 min manat ödəyib.