Daha bir ölkə Avropanın avtomobil bazarına can atır - FOTO

Avtomobil sənayesi dedikdə insanların ağlına ilk gələn ölkələr arasında Vyetnam yer almır. Lakin tendensiya dəyişə bilər. 

Avtosfer.az xəbər verir ki, Vyetnamın VinFast  şirkəti Avropa bazarına çıxmağa iddialıdır. Hətta bu məqsədlə VF8 və VF9 modelləri hazırlanmışdı.  İstehsal qüsurlarına görə bu model şirkətə çox ciddi maliyyə itkiləri gətirdi.  Hər 2 model kommersiya biabırlığı kimi xarakterizə olundu. 
İndi isə şirkət VF6 modeli ilə daha məhdud bazara – Almaniya, Niderland və Fransaya ayaq açmaq istəyir.

2022-ci ildə Paris avtosalonunda təqdim edilmiş benzin mühərrikli versiyaya bənzəyən elekrtomobil 2 opsiyada hazırlanıb. Onlar arasında fərq batareyanın tutumu və mühərrikin gücündədir.  34000 və 38000 avroya təklif edilən modellərə 7 il və ya 160 000 kilometr zəmanət verilir. Hələlik satışla bağlı statistika yoxdur. 
Bununla belə, Avropanın avtomobil jurnalları belə bir sualla çıxış edir: bu maşın Çinin eyni qiymətə təqdim etdiyi modellərlə rəqabət apara biləcəkmi?

Vüqar