Dünyada cəmi 7 ədəd var - Onlardan biri satışa çıxarıldı - FOTO

Olduqca nadir ABŞ superkarı - orta mühərrikli, arxa ötürücülü "Targa Falcon F7" hərraca çıxarılıb. Avtosfer.az Oxu.az-a istinadən xəbər verir ki, avtomobil "Cars & Bids" platformasında satışa təqdim olunub. Bu modeldən cəmi yeddi ədəd istehsal olunub. Hərraca çıxarılan avtomobil isə onların beşincisidir. Hərracın bitməsinə dörd gün qalmış avtomobil üçün 76 min dollar təklif edilib. Bu isə ilkin qiymətdən dəfələrlə aşağıdır. Miçiqanda yerləşən şirkət "Falcon Motorsports" "F7" modelinin istehsal versiyasını 2012-ci ildə təqdim edib. Alüminium və karbon lifindən hazırlanmış superkar 680 at gücünə malik, 7 litrlik atmosfer V8 mühərriki ilə təchiz olunub. Avtomobilin 0-dan 100 km/saat sürətə çatması üçün cəmi 2,7 saniyə kifayətdir.