Əhaliyə ŞAD XƏBƏR: Novruz tətilinə qədər...

Avtobazar 12 Mart 2023 20:11 Oxunub 3674
Əhaliyə ŞAD XƏBƏR:  Novruz tətilinə qədər...
WhatsApp kanalımıza abunə ola bilərsiniz

Nəqliyyat sahəsi üzrə ekspert Eldəniz Cəfərov Musavat.com-a Azərbaycanın avtomobil bazarındakı vəziyyəti şərh edib.

Ekspert bildirib ki, hazırda ölkənin avtomobil bazarında vəziyyət sabitdir: "Yanvarın ilk həftəsində ölkəyə idxal olunan komfortlu avtomobillərin qiymətində təxminən 5 faiz artım olub. Ondan sonra bazarda qiymət dəyişikliyi qeydə alınmayıb. Yanvar ayının statistikasına görə, ikinci əl avtomobil bazarında mühərrik həcmi 3000 kubsantimetrdən yuxarı olan maşınların qiymətində təxminən 5 faiz azalma müşahidə etmişdik. Bunu ötən il ərzində "Aİ-95" markalı benzinin qiymətinin yüksəlməsi və sığorta qiymətlərinin dəyişməsi ilə əlaqələndirə bilərik. Fevral ayında isə yanvara nisbətən bazar daha fəal olub. Qiymətlərdə kəskin artım və eniş yoxdur. Ən azından Novruz tətilinə qədər qiymətlər sabit qalacaq.

Yeni avtomobillərə gəldikdə, daha çox mini krossover və krossoverlərə maraq var. Həmçinin hibridlərə maraq var. Elektromobillərin idxalı zamanı rüsumlardan azad olunmadan sonra bu tip avtomobillərə də maraq artıb.

Bu gün ölkəyə idxal olunan yeni avtomobillər arasında hibridlərin sayı getdikcə artır. Həmçinin Avropa İttifaqı istehsalı olan yeni marka və modellərin də gəlməsi davam edir. Ötən ilin sonunda Aİ ölkələrində istehsal olunan avtomobillərin artıq Bakı şəhərində rəsmi dileri açılıb. Rusiya istehsallı avtomobillərin idxalı demək olar ki, sıfıra enib. Bunun əvəzində Çin istehsalı olan avtomobillərin idxalı artıb".

ŞƏRH YAZ
Ad

E-mail

Şərh