Elektrikli avtomobillərin bazar payı 10 ildə 41 dəfə artıb

Dünyada elektriklə işləyən avtomobillərin bazar payı 10 ildə 41 dəfə artaraq 8,3 faizə çatıb.

Avtosfer.az Anadolu agentliyinə istinadən bildirir ki, keçən il elektrikli avtomobil satışları rekord qıraraq, əvvəlki illə müqayisədə 108 faiz artaraq 6,75 milyon ədədə çatıb.  İqlim dəyişikliyi ilə mübarizə məqsədləri çərçivəsində ölkələr qalıq yanacaq istehlakını azaltmaq üçün aşağı karbon texnologiyalarına keçidi sürətləndirirlər. Elektrikli avtomobillər nəqliyyat sektorundan emissiyaların azaldılmasında kritik rol oynasa da, avtomobil markalarının bu sahədə investisiyaları və marka modelləri sürətlə artır. Elektrikli avtomobil bazarındakı transformasiya eyni sürətlə satışlarda da özünü göstərir. Keçən il qlobal avtomobil bazarında xalis artımın hamısı elektrikli nəqliyyat vasitələrinin payına düşüb. Pandemiyaya baxmayaraq, 2020-ci ildə elektrikli avtomobil satışı 3,24 milyon ədəd olub. Elektrikli avtomobillərin bazar payı 2012-ci ildə yüzdə 0,2 ikən, keçən il rekord satışlarla yüzdə 8,3-ə çatıb. Beləliklə, elektrik avtomobilləri 10 ildə bazar payını 41 dəfə artırıb. Keçən il elektriklə işləyən avtomobillərdə də son 10 ilin ən böyük illik artımı qeydə alınıb. Çin, 2021-ci ildə 3,4 milyon ilə elektrikli avtomobillərin ən çox satışına malik ölkə olub. Çində satışlar əvvəlki illə müqayisədə 155 faiz və ya 2,06 milyon ədəd artıb. Avropada 2,3 milyon elektrikli avtomobil satıldığı halda, bu rəqəm 2020-ci ilə nisbətən 66 faiz artıb. ABŞ 735 min elektrikli avtomobil satışı ilə üçüncü yerdə olarkən, Cənubi Koreyada 114 min 500 elektrikli avtomobil satılıb. İsrail, Avstraliya, Hindistan və Yaponiyada elektrikli avtomobil satışı 10 min ədədin üzərində olub. Beynəlxalq Enerji Agentliyinin (IEA) məlumatına görə, 2012-ci ildə il ərzində 130 min elektrikli avtomobil satıldığı halda, 2021-ci ildə bu rəqəmə bir həftə ərzində çatılıb. Ötən ilki satışlardan sonra dünyada elektriklə işləyən avtomobillərin ümumi sayı 16 milyona çatıb. 2021-ci ildə dünyada elektrikli nəqliyyat vasitələrinin ümumi elektrik istehlakı 30 teravatt saata çatıb. Bu məbləğ İrlandiyanın bir illik elektrik enerjisi istehsalına bərabərdir. Tesla keçən il 936.000 ədəd elektrikli avtomobil satışında birinci yeri tutub. Ən çox Tesla avtomobili 352 min ədədlə ABŞ-da, 321 min ədədlə Çində və 170 min ədədlə Avropada satılıb. Volkswagen (VW) Qrupu 763 min ədədlə, 598 min ədədlə BYD, 517 min ədədlə GM və 385.000 ədədlə satılıb.

Qlobal elektrikli avtomobil satışlarının bu il rekordu qıracağı gözlənilir.