Əri ona "Jeep" alıb - Samirə Mustafayeva - FOTO

Rubrikamızın budəfəki qonağı Azad Azərbaycan Televiziyasının (ATV) xəbər aparıcısı Samirə Mustafayevadır. Samirə Mustafayeva 2009-cu ildə sürücülük hüququ əldə edib və elə həmin ildən də avtomobil idarə edir. Xanım aparıcının ilk avtomobili “Hyundai Accent” olub. O, hazırda “Jeep Wrangler Rubicon” idarə edir. Xanım teleaparıcı bu avtomobili ona həyat yoldaşının hədiyyə etdiyini bildirib: “Dostlarım bu avtomobilin qadın üçün olmadığını deyirlər. Amma mən fikirləşirəm ki, bu maşın mənim təbiətimə uyğundur. Mənim maşınım kişi kimi güclü olmalıdır. Ona görə də mən bu avtomobili seçdim”.  

Həmişə təhlükəsizlik kəmərində istifadə edən Samirə Mustafayeva yol polisə ilə problemi olmadığını bildirib: “Altı ildir maşın idarə edirəm və bu 6 ildə mənə yol polisi iki dəfə protokol tərtib edib”.

Xanım aparıcı bir dəfə radara düşdüyünü də etiraf edib: “Mən aeroport yolunda bir dəfə radara düşmüşəm. 120 km/saat olan yerdə avtomobili 140 km/saat sürətlə idarə etmişdim. Buna görə də mənə protokol gəldi və cəriməmi ödədim”.