Futbolçunun bahalı «Jeep»ini Suriyaya qaçırmaq istədilər

«Beşiktaş»ın sabiq kapitanı İbrahim Üzülmezin oğurlanan 150 min dollarlıq maşını tapılıb. Avtosfer.az-ın anspress-ə istinadən verdiyi xəbərə görə, İstanbuldakı evindən oğurlanan avtomobil Hatayın Reyhanlı bölgəsində tapılıb. Bahalı avtomobildə biri Suriya vətəndaşı olmaqla 5 nəfər saxlanılıb. 

Qeyd edək ki, İbrahim Üzülməz həmin avtomobili 2009-cü ildə Türkiyə çempionu olandan sonra almışdı. Futbolçunun "o çempionluğun yadigarıydı, övladım kimi idi" dediyi 34 UZM 78 nömrəli avtomobil 06 SCP 34 saxta nömrə ilə tapılıb. 

Avtomobil GPRS sistemi ilə izlənilərək tapılıb. Suriyaya qaçırılacağı təxmin edilən avtomobilin axtarışlarına cəlb olunmuş təhlükəsizlik qurumları yolda barrikada quraraq maşını saxlaya biliblər. 

Avtomobil İstanbula göndərilib. Avtomobildə saxlanılan şəxslər isə polis tərəfindən sorğuya alınıb.