GAC-nin yeni Showroom və Servis Mərkəzi təqdim olundu - FOTOLAR

Avqustun 22-də "AUTO Azərbaycan" şirkəti dünyanın aparıcı avtomobil markalarından biri olan GAC-nin yeni Showroom və Servis Mərkəzinin açılışını böyük təntənə ilə qeyd etdi. Tədbirə avtomobil sektorunun peşəkarları, media nümayəndələri və tanınmış qonaqlar qatıldı.

Açılışda "AUTO Azərbaycan" şirkətinin rəhbəri Emil İsmayılov çıxış edərək, GAC brendinin Azərbaycanda təqdim etdiyi modelləri və gələcək planlarını izah etdi. O, həmçinin GAC avtomobillərinin texniki xidmətlərinin və ehtiyat hissələrinin satışının "AUTO Azərbaycan" tərəfindən həyata keçirildiyini bildirdi.
Daha sonra GAC-nin Mərkəzi Asiya ölkələri üzrə meneceri Ms. Duana da mərasimdə çıxış edərək, GAC markasının regionda artan nüfuzundan və gələcək planlarından bəhs etdi. Onun çıxışından sonra media nümayəndələri marka haqqında suallarını ünvanlamaq imkanı əldə etdilər.

Lent kəsimindən sonra qonaqlar GAC markası və onun fəaliyyəti barədə geniş məlumatla tanış oldular. "AUTO Azərbaycan" şirkətinin nümayəndəsi Emil Məmmədov GAC markasının ölkəmizdəki fəaliyyətindən bəhs etdi. Həmçinin, GAC modellərinin Toyota mühəndislərinin iştirakı ilə yaradılan GPMA platformasında hazırlandığı qeyd olundu.

Auto Azərbaycan şirkətinin AION elektrik avtomobillərinin Azərbaycandakı rəsmi və eksklüziv distribütoru olduğu da tədbirdə xüsusilə vurğulandı.

Mərasimin davamında, qonaqlara GAC avtomobilləri barədə ətraflı məlumat verildi və Test Drive üçün qeydiyyat prosesi başlandı. Qonaqlar, həmçinin GAC Servis Mərkəzi ilə yaxından tanış olmaq imkanı əldə etdilər. Gecənin sonunda isə bütün iştirakçılara canlı Test Drive imkanı təqdim olundu.

Tədbirin yekununda "AUTO Azərbaycan" və GAC adından bütün media nümayəndələrinə xüsusi hədiyyələr təqdim olundu.
GAC haqqında ətraflı məlumat üçün rəsmi veb-saytı ziyarət edə bilərsiniz:
www.gacmotor.az
Telefon: +994 (050) 400 09 89