Hansı maşın avadanlıqlarının idxalı və satışı ƏDV-dən azaddır?

Avtomobil ehtiyat hissələrinin satışı ilə məşğul olan fərdi sahibkar elektrik mühərriki ilə işləyən avtomobillər üçün enerji doldurucularını idxal edərək satışını həyata keçirərsə ƏDV ödənilməlidirmi?

Dövlət Vergi Xidmətinin Media və Kommunikasiya İdarəsindən bildirilib ki, bu məsələ Vergi Məcəlləsinin 2022-ci il yanvarın 1-dən qüvvəyə minmiş müddəalarında öz əksini tapıb.

Məcəlləyə əsasən, elektrik mühərriki ilə işləyən avtomobillər üçün ikinci və üçüncü səviyyə elektrik enerji doldurucularının idxalı və satışı ƏDV-dən azad edilib.