![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Hibrid avtomobillərin və elektomobillərin idxalı ARTIR
![Hibrid avtomobillərin və elektomobillərin idxalı ARTIR](/upload/news/3857987.jpg)
Azərbaycana idxal edilən hibrid və yalnız elektrik mühərriki ilə işləyən (elektromobil) avtomobillərin sayı və ümumi avtomobil idxalında payı sürətlə artır.
Avtosfer.az Dövlət Gömrük Komitəsinin məlumatlarına istinadən xəbər verir ki, 2024-cü ilin yanvar-iyul aylarını əhatə edən 7 ay ərzində 11 276 ədəd hibrid, 1 792 ədəd elektromobil idxal edilib. Yeddi ayda ümumi avtomobil idxalının 51 179 ədəd olduğunu nəzərə alsaq, məlum olur ki, gətirilən hər dörd avtomobildən biri (25,5 faiz) hibrid və elektromobil olub.
Adıçəkilən 2 avtomobil növünün ümumi avtomobil idxalında payı 2023-cü ilin ilk yeddi ayında 17,5 faiz, 2022-ci ilin yeddi ayında 17,5 faiz, 2021-ci ilin ilk yeddi ayında isə 12,5 faiz idi.
Son dörd il ərzində hibridlərə və elektromobillərə tələbin artması onların idxal xərcinin, eyni zamanda bu avtomobillərdən istifadə zamanı cari xərclərin az olması ilə bağlıdır.
Gələcəkdə bu növ avtomobillərin, xüsusən də hibrid avtomobillərin payının tezliklə 50 faiz həddinə çatacağını proqnozlaşdırmaq olar.