İki minədək avtomobil satış mərkəzi bağlana bilər

Vaxtilə Rusiya dünyanın avtomobil istehsalçıları üçün əlverişli məkan idi. Bütün aparıcı markalar bu bazarda təmsil olunurdu. Əlverişli kredit şərtləri də ruslara istər yerli, istərsə də xarici avtomobilləri almağa imkan verirdi. Bir sözlə, Rusiya avtomobilin əlçatan olduğu ölkələrdən idi. 
Avtosfer.az-ın xəbərinə görə, Ukrayna müharibəsi ilə hər şey dəyişdi. Qərb markaları ölkəni tərk etdiyi üçün avtosalonların, xüsusən də dilerlərin işi çətinləşdi. əksəravtosalonlarda artıq Avropa maşınları satılıb qurtarıb. Belə bir vəziyyətdə avtosalon sahibləri üçün 2 çıxış yolu var:
1 – Başqa fəaliyyət növü ilə məşğul olmaq,
2 – Çin avtomobillərinin satışına başlamaq.

Rusiyada təchizatla bağlı (hələ ki!) Koreya avtomobillərinin dilerləri çətinlik çəkmirlər. Lakin bu ölkənin avtomobilləri də kəskin bahalaşıb. 

Çin modellərinə gəlincə, bu maşınlar bazarı doldursalar da, rus alıcının ürəyini fəth edə bilməyiblər. Forumlardan görünür ki, rusiyalılar həm Çindən idxal edilmiş, həm də Çinin Rusiyada istehsal etdiyi avtomobillərin komfortundan və keyfiyyətindən razı deyillər. 

Rus mənbələrinin məlumatına görə, ölkədə 2 minədək avtomobil satış mərkəzi bağlanma riski ilə üz-üzədir.

Vüqar