"Lada"lar bahalaşacaq, ən çox da bu model

Payızda yeni "Lada" avtomobilləri 3-5 faiz bahalaşa bilər.

Bu barədə avtomobil sənayesi üzrə müstəqil məsləhətçi Sergey Burqazliyev deyib:

“Çox güman ki, noyabrda AvtoVAZ avtomobillərin qiymətinə yenidən baxacaq. Güman edirəm ki, onlar modeldən və konfiqurasiyadan asılı olaraq 3-5% bahalaşacaqlar. Lada Vesta-nın qiyməti ən çox artacaq, çünki onun yığılması üçün çoxlu sayda xaricdən gətirilən hissələrdən istifadə olunur.

Ekspertin fikrincə, “Lada”nın qiymətinin artması rublun ucuzlaşması ilə bağlıdır, Çindən avtomobil hissələri tədarükçüləri qiymətləri daim artırırlar. Bundan əlavə, tədarük zəncirlərinin pozulması səbəbindən AvtoVAZ-da komponentlərin çatışmazlığı ilə bağlı vəziyyətin yaxın gələcəkdə həll olunacağı da real deyil. (lent.az)