Məşhur avtomobil markasının tarixində bir ilk

Məşhur avtomobil markasının tarixində bir ilk baş verib. Avtosfer.az-ın anspress-ə istinadən məlumatına görə, "Toyota" şirkətinin idarə heyətinin sədr müavini ilk dəfə yapon seçilməyib. Şirkət tarixində ilk dəfə xarici ölkənin vətəndaşı idarə heyətində rəhbər vəzifəyə gətirilib. Belə ki, "Toyota"da 1988-ci ildən çalışmağa başlayan Fransa vətəndaşı Didier Leroy hazırda şirkətin Avropa üzrə məsul şəxsdir. 57 yaşlı fransızın idarə heyətinin sədr müavini vəzifəsinə 1 aprel tarixindən başlaması gözlənilir. 

Didier Leroy bu vəzifəyə təsadüf nəticəsində gəlməyib. O, şirkətdə çalışdığı illər ərzində "Toyota"nın Avropa bazarındakı xərclərini azaldıb. Bununla yanaşı, şirkətin gəlirləri də bir xeyli artıb.