Müğənni Yaşar: «Təhlükəsizlik kəmərindən istifadə etmirəm» - FOTO

Müğənni Yaşar Cəlilov avtomobili ilə fotokameramız qarşısına keçərək şəkillər çəkdirib. Axşam.az-a açıqlamasında maşın həvəskarı olduğunu deyən sənətçi etdiyi qayda pozuntularından da danışıb: “13 yaşımdan maşın sürürəm. Avtomobil həvəskarıyam. Bu günə kimi çox maşın dəyişmişəm. Həmişə çalışıram ki, seçilən modellər alım. Elə olub ki, maşını sərgidən almışam, şəhərdə bircə məndə olub. Avtomobilləri 1 ildən artıq sürmürdüm, dəyişirdim. Amma indiki 4 ildir mənimlədir. Onda olan funksiyaları başqasında tapmıram. Əgər nə vaxt bundan bezsəm, “Galenvagen” alacam. Əslində qara rəngi sevirəm, amma tez çirkləndiyi və mənə düşərli olmadığı üçün hazırki maşınım ağdır. Qara maşında həmişə qəza keçirmişəm. Çalışıram qayda pozuntuları etməyim. Amma hərdən istəmədən qayda pozuram. Sonuncu dəfə 60 manat cərimə ödəmişəm. Əslində qanun hamı üçün eynidir. Amma biz sənət adamları çəkilişlərə tələsirik, yolda zəng gəlir, məcbur cavab veririk. Təhlükəsizlik kəmərindən heç vaxt istifadə etmirəm. Bilirəm ki, bu yanlışdır. Hətta bir dostum qəzada təhlükəsizlik kəməri taxmadığı üçün dünyasını dəyişib. Ümid edirəm ki, mən də onu taxmağı öyrənəcəm. Sürəti sevirəm”.