Onun 362 min manatlıq maşını qalmaqal yaratdı - FOTO

Dəvətə qatılmaq üçün Antaliyaya səfər edən meqastar Tarkana verilən maşın qalmaqala səbəb olub. Avtosfer.az-ın anspress-ə istinadən məlumatına görə, şəhərdəki iki tanınmış maşın icarəsi ilə məşğul olan şirkət arasında dava düşüb. Onlardan biri Tarkan üçün təsis edilən 850 min lira (362 min manat) dəyərindəki "Mercedes"in qanunsuz yollarla ölkəyə gətirildiyini deyərək məhkəməyə müraciət edib. Şirkət rəhbərliyi Tarkana verilən bahalı maşının təcili olaraq istifadəsinin dayandırılmasının vacib olduğunu deyib. “Biz illərdir Türkiyədə gəmi və maşın ticarəti ilə məşğul oluruq. Baş nazirlik də bizim xidmətlərdən faydalanır. Amma bu gün Tarkana verilən maşın qanunsuz yollarla ölkəyə gətirilib və yarı qiymətinə gəlir əldə etmək məqsədilə istifadə edilir. Türkiyənin məşhur müğənnisi vergi qaçaqmalçılığı ilə məşğul olan hirkətin maşınında gəzə bilməz". 

Qarşı tərəf isə rəqiblərinin bu açıqlamaları ilə bağlı heç bir şərh verməyiblər.