“Porsche”nin “atası” tapıldı - FOTO 

Avstriyada tərk edilmiş anbarda 4 il istifadə edildikdən sonra 112 ildir toxunulmadan orada qalan “Porsche” tapılıb. Avtosfer.az-ın avtolent.az-a istinadənq məlumatına görə, şirkətin qurucusu Ferdinand Porschenin 22 yaşında yaratdığı ilk nəqliyyat vasitəsi olan Egger-Lohner ilk baxışda at arabasını xatırlatsa da əslində o dövrün ən son texnologiyası ilə hazırlanıb.

“Porsche” tərəfindən "P1" adlandırılan nəqliyyat vasitəsinin arxa hissəsində 3 at gücündə elektrik mühərriki var. Saatda 33 km/sürətlə hərəkət edən “P1” elektrik qidalandırıcısı ilə təxminən 78 kilometr yol qət edə bilir. Vasitəsi tapan şəxsin adının açıqlanmasını istəmədiyini ifadə edən şirkət sözçüsü “P1” modelinin necə tapılmağı ilə bağlı ətraflı məlumat verməyib. Avtomobilin Almaniyanın Ştutqard şəhərindəki “Porsche” muzeyində sərgiyə qoyulacağı bildirilib.

Qeyd edək ki, “P1” ilk dəfə 27 iyul 1898-ci ildə istifadə olunub.