Rusiyada minik avtomobillərinin istehsalı çökür - 96,7 faiz azalma var

Yanvar-may aylarında Rusiyada 288 000 ədəd minik avtomobili istehsal olub ki, bu da ötən ilin müvafiq dövrü ilə müqayisədə 56,4% azdır.
Avtosfer.az xəbər verir ki, bu məlumat Rosstatın son statistikasında yer alır.
Aylar üzrə müqayisədə isə geriləmə daha ciddidir. 
Aprel ayında geriləmə illik əsasda 81,3%, may ayında isə 96,7% olub.
İlin ilk 5 ayında 60,1 min ədəd yük maşını istehsal olunub ki, bu da 125 geriləmə anlamına gəlir.
Hesabat dövründə 4 000 avtobus istehsal edilib ki, bu da ötən illə müqayisədə 36,8% azdır. Təkcə may ayında bu sahədə geriləmə 77% olub.
Xatırladaq ki, Ukrayna münaqişəsinə görə Avropa ölkələri Rusiyaya detal göndərilməsini dayandırıb. Bir çox marka bazarı tərk edib.  Ölkə sovetdən qalma modellərin istehsalını davam etdirir. Detal qıtlığına görə avtomobillərə qoyulan tələblər yüngülləşdirilib.

Vüqar